30-07-2010
Presentación en Ribadeo de A LEI DAS ÁNIMAS
Mañá venres, Carlos G. Reigosa falará da súa última novela
Dentro da programación do OFestivalOn de curtametraxes, na sección Books4U dedicada a literatura, o escritor Carlos G. Reigosa presenta a súa última novela, A lei das ánimas. Será este venres día 30 de xullo, ás 20:30 h, no Cantón dos Moreno, en Ribadeo.
Nesta nova novela, Carlos G. Reigosa actualiza a lenda da Santa Compaña nunha historia policial. A lei das ánimas é unha obra de ficción que, seguindo a liña de Cunqueiro e Torrente Ballester, aproveita a atmosfera de misterio, coa que enche de verosimilitude toda a trama.
Polas súas especiais características, uns crimes mobilizan a forza pública e a procesión das ánimas da Santa Compaña, que compiten nunha investigación a prol da xustiza, cada unha coas súas armas e os seus procedementos. O detective Nivardo Castro e o xornalista Carlos Conde son neste caso só testemuñas abraiadas dunha pescuda allea, apaixonante e misteriosa. |
« Volver
{*ver_mais_novas}
|
